ترضى احد يفتش في جوالك .... وليش ؟؟؟

[بقايا امل]

الجوال ( مستودع الأسرار )!!

صار الجوال جزء لايتجزاء من حياتنا اليوميه مانطلع إلا بالجوال ومانقعد ولا نرقد إلا مع الجوال

غير عن أهميته المعروفه إنه جهاز إتصال

صار يحوي أشياء كثيره منها المسجات والوسائط النغمات والشعارات و و و ...!!

الجوال مثل السكرتيره للي تذكرنا بالمواعيد والساعات متى علينا محاضره في الجامعه

والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:

والمنبه ( أهم شي المنبه )
اللي لي رن الصبح وقت الدوام .. نحط على غفوه وهالغفوه 10 دقايق

ومانقوم إلا إذا حد قال لنا :.. قومووووا دووووام متى بتروحوون الشوارع زحمـــه !!

الملاحظ إن فئه عمريه معينه من سن الـ 18 إلى 25 أو 30 سنه

يرفضون أي شخص يمد يده ويمسك جواله
ودايماََ مايقولون

( لحد يتعبث في جوالي ) !!

هالجمله البسيطه تحوي معاني كثيره (ممكن تفسرونها )

ليش مانرضى أحد يفتش أو :يتعبث: في الجوال
هل هو الحرص عليه !!
ولا من زوود المحبه !!

ولا فيه شي خطير مانبي حد يشوف منيه ولا مناك !!

هل لهالدرجه جوالك خطير ماتخلي حد يقرا مسجاتك
ويشوف قائمة الأسماء اللي بجوالك
ولا يسمع النغمات اللي منزلها ولا يشوف كم فيديو إستعراض

ولا فيديو كليب وهذا اللي مادري ليش يحطونه!!

الأسئله كثيره والتساؤلات أكثر حول هالموضوع
ماودي أطول عليكم بس أخليكم تفكرون وتجاوبون

وعلى قولة ربعنا في كيوتل للاتصالات ... بدولة قطر ... ( نقرب كل بعيد ):36_13_1:

[أبو رهيم]

ويتجدد اللقاء مع المبدعين ونسعد دائماً بأن نكون أو المشاركين

ببساطة شديدة وباختصار فلم تتركي لنا مجالاً للحديث ..

بالتأكيد لااااا أقبل إطلاقاً إن كان دافع التفتيش البحث عن ثغرات أو ما يمكن أن يعتقد أنه سيجد شيئاً لا يتفق مع شخصيتي . وهذا الجانب لا أقبله من أي كائن يكون.
لكن هناك جانب آخر قد أتقبله في حدود لو كان من الزوجة أو الأخ بدافع الأستفادة مما يمكن أن يكون لدي..
وبشكل عام يا أموووول لا أضع في جوالي أي أشياء مهمة فأنا لست ممن يهتم بذلك ابداً ..

تحياتي وشكري لكِ أختي الفاضلة وأرجو أن أكون قدمت ما فيه الفائدة

[بقايا امل]

انا بالنسبه لي ماعندي مشكله ... لان ماعندي شي اخشه على اهلي ... بس التعبث بالجوال ... حركه مب حلوه .. وبالذات بدون استئذان ... وبعدين انا من النوع اللي دايما انسى جوالي في الدوام ... واحيانا انساه بيت اهلي .. هاذي مشكله مش قادره اسيطر عليها ،،،

[الراقي]

اما عني مافي اي مشكلة بس يعني الواحد يقّدر ويستأذن وياخذ الجوال

اصلا مافي شي ينخاف عليه حتى اني ارفض ان يراه احد

وعلى فكرة جوالي مفصول وليش بخاف عليه

[حسام]

طول عمرك جوالك يالراقي مفصول ولو سددت دقه وتفصل

انا عندي حاط رمز قفل

يعني لازم يستأذن

وبعدين انا بكيفي اسمح والا لا

وجوالي مرآتي وكل شي فيه يدل على شخصيتي

[قاطف النرجس]

مرحبا اخت بقايا امل

انا عن نفسي لا اسمح لاحد ان يعبث بجوالي!!!!!!!

لانه تكون عندي مسجات من الاهل وتكون فيها بعض الخصوصيات

لكن بالنسبه لزوجتي ما عندي اي مشكله في هذا الموضوع

هذا رايي الشخصي

ولك جزيل الشكر

[النرجس]

موضوع جميل

صراحة

ماحب احد يفتش في جوالي

خصوصا ان في ارقام خاصة

صح ماعندي جوال فيه كميرا او بلوتوث

لكن رسائل قد تكون عائلية وخاصة وليس من حق اي احد ان يطلع عليها الا بعد اذن مني وان انظف ما لا ارغب في ان يراه الناس

ولكن من المعيب ان يطلع احد لخصوصياتي

وخصوصا عندما يكون شخص عابر ولا يعلم عن خصوصياتك شيئا ويأخذ الجوال من على الطاولة او المكتب وبدأ بالتقليب

والبحث في ارقامي ورسائلي

لا أرى من صلاحيات هذا الزميل أو الشخص عمل هذا

[بنووووتة]

من المفترض أن الأمر طبيعي جداً طالما أن الصراحة هي العمود الذي تقوم عليــه الحيــاة الأســريــة ،،

ولكن هناك بعض الأمور التي لا يحب إطلاع كل طرفٍ عليها ( كرسائل النساء لبعضهن البعض، أو رسائل أقارب الزوج أو الزوجة لقريبهم ) لأنها قد تحمل خصوصية الصديق أو القريب وليس الأمر متعلقاً بالزوج أو الزوجة بالذات ،،

غير أن كلاهما يشعر بفضول لمعرفة أي شيء عن الآخر، ولكن الثقة هي سيدة الموقف ،،

اشكرك اختي بقايا امل
ولا يحرمنا من مواضيعك

[نحلة النرجس]

اممممممممم

بما اني من الفئة العمرية الي

مقصودة بالضضبط في هالموضوع

حبيت اشارك

انه بالنسبة الي مخلية سكيورتي كود

السالفة اني ما احب احد يتعبث

في جوالي من غير اذن مني

الناس فقدت احترامها لبعضها

وقامت تتصرف من غير وعي

فاذا احد قال الي يبغى يشوفه اهلا وسهلا

اما انه يسالني عن السكيورتي كود كم؟
اجل ليش اخليه دامك تبي تعرفه

السالفة كلها اني ما احب احد يستخدم اغراضي من غير اذن



وفي النهاية ما عندي شي اخشه


وهذا ردي


موضوع حساس وحلو

[بقايا امل]

سعدت بكلامج اختي الصغيرة ... نحلة النرجس ...

لج حق اختي .. انتي بكيفك ... ماله حق احد يفتش جوالك

[obonawaf]

موضوع لم يترك المشاركون في وصفه شيئا فهو موضوع نمارس قوانينا الشخصيه تجاه محتواه
من حظر...او...سماح...او كليهما..دون ان نوجه لأنفسنا سؤالا للمبرر الذي جعلنا نتخذ هذا القانون دون سواه...
وبالنسبة لي شخصيا فتتطابق وجهة نظري مع اخي ابو رهيم تمام التطابق....
وشكرا لك اختي بقايا امل على هذا الموضوع ...والله يعطيك العافية

[العنقود]

انا ماعندي مشكلة ولكن الأطفال والرجال ما أحب أخذ الجوال لان توجد اشياء لا تصلح للاطفال اما الصديقات وغيرها
فلا بس من ذلك

[النرجس]

اذا كان الموضوع رؤية الجوال من قبل زوجتي

فهذا عادي وطبيعي جدا

لكن كما اسلفت المشكلة في غيرها

وحتى الأهل والوالدين ايضا لا مشكلة في ذلك

الا في رسائل الزوجين لبعضهما

قد لا تستطيع اطلاع احد عليها

[**ودعت جرحك**]

والله اخت بقايا أمل موضوع جميل وواقعي
اما عني انا فلا أسمح لأحد التعبث بجوالي

هي فوضه!!
الأخ يجي وبكل برود يقرا المسجات
ولا بعد يشيك على الإستديو
وبالمره يشوف الأسماء
شوي شوي
الجهاز له

والله قمة التطفل
ياخي ما ني مخبي شي
بس فيه شي اسمه خصوصية

انا بعد ما تعبت
حطيت رقم سري -ما صار جهاز إلا بطاقة سحب-
طبعا فالبيت عاااااادي الجهاز مفتوح

[بقايا امل]

مشكورين جميعا على المشاركه والردود

[ملكة الإبداع]

طبعا لكل شخص خصوصياته ولا أحب أن يتطفل أحد على جوالي بدون إذن
والحمد لله غالبا ما أشاطر المقربين على أحدث البلوتوثات التي وصلت إلى ( طبعا من مصادر معروفة ) والصور التي إلتقطها بالكاميرا ( غالبا ما تكون لأولادي أو مناظر طبيعية )
وشكرا أختي أمل على موضوعك الرائع

[ام جميل]

سلام اختي بقايا امل
طبعا ان ما ارضى ان احد يشوف جوالي لانه مهما كان فيه خصوصيه ,اما بالنسبه لي انا وزوجي فهو عادي مافي شيء يتخبئ
واذا رفض الزوج ان احد يتفرج بصراحه ممكن يخلق شك يسبب مشاكل مالها داعي
موضوعك حلويعطيك العافيه

[الضباب]

لا ما احب ولا ارضى من اي متطفل

انه ياخذ جوالي ويفتش فيه

لأنه فيه امور خاصة جدا رسائل خاصة

بيني وبين زوجتي او حتى بعض

الاصدقاء


باختصار اللي يحط يده على الجوال عشان يفتش

اعتبره شخص عديم الذوق ولا يعرف الإتيكيت

اما لو يبغى مثلا يتصل ماعندي اي مانع.................

[بقايا امل]

ملكة الأبداع / ام جميل / الضباب
ياهلا فيكم اخواني مشكورررين على المشاركة والصراحة واحترم وجهة نظركم
واي أنسان له خصوصيه ومحد يقدر يطلع عليها غيره وفي ناس عادي عندها والناس أجناس ..
البعض منهم تكون عنده اغراض خاصه بالتلفون مثل ارقام هله او مسجات خاصه ،،

واخيراً .. حياكم الله ..

وأشكركم على ردودكم